Kinumpirmaran ni Palace Press Office Usec Claire Castro a ti Konektadong Pinoy bill ket nag-lapse into law wenno nagbalinen a linteg.
Segun ken ni Castro, iti salinong ti 1987 Constitution, ania man a gakat a saan a pinermaan wenno in-veto ti presidente ket kayatna a sawen nga agbalinen a linteg.
Ti Konektadong Pinoy Bill wenno ti Open Access in Data Transmission Act ket gagemna a pasayaaten ti internet access babaen iti panangipangato iti kompetisyon kadagiti service provider, kangrunaan dagiti adayo a lugar ken iti aglawlaw dagiti pagadalan.
Nupay kasta, madanagan dagiti industry player ta mabalin a mapalubosan dagiti baro ken babassit a player nga agpuunan iti imprastraktura babaen iti panangitedda iti data a saanen a kasapulan ti nailian a prangkisa.
