--Ads--
Makaawat iti kumpleto a set ti libro ti kada agad-adal iti pampubliko a pagadalan manipud Kindergarten agingga Grade 12 iti kaunaan a gundaway kalpasan a nailatangan daytoy iti P19.5 billion a pondo iti salinong ti 2026 national budget.
Pinasingkedan dayta ni Senador Sherwin Gatchalian kalpasan a naadal a nasayaat ti pondo nga inlatang ti Kongreso iti sektor ti edukasion a kadakkelan iti ania man nga ahensia ti gobierno kas panangsungbat iti probision ti Konstitusyon.
Nupay kasta, kiniddaw ni Gatchalian iti Department of Education a masigurado a maaramat a nasayaat ti nailatang ditoy a pondo.
Segun iti senador, idi 2025 ket immabot iti 14 percent laeng ti utilization rate para iti textbook ken dadduma pay nga instructional materials.
-- ADVERTISEMENT --
