Nasuspenso iti klase amin a lebel iti pampubliko ken pribado a pagadalan ken trabaho iti Public Offices iti probinsia ita nga aldaw, September 17, 2024 kas safety measure ken tapno maliklikan iti aniaman nga epekto iti Tropical Depression “Gener”.
Iti nairuar nga Executive Order No. 24 Series of 2024 babaen ken ni Governor Jerry Singson, gapu iti manamnama a napigsa a tudo nga epekto iti Tropical Depression Gener ket nasuspenso iti klase ken trabaho para iti kinatalged dagiti umili.
Nabilin amin a departamento iti critical emergency services and disaster risk reduction and management kangrunaan iti Provincial Disaster Risk Reduction and Management Office, local disaster risk and reduction management offices, miembro iti Provincial Disaster Risk and Reduction Management Council ken amin nga ospital ken health services a pagtalinaeden iti workforce tapno masigurado iti pannakaipaay iti serbisyo iti publiko.
Para kadagiti private business establishment ken offices ket nakadependen iti employer-da nu sumurotda iti DOLE Labor Advisory No. 17, Series of 2022.
Nallukoy iti publiko nga agannad ken suroten ti minimum public health standards kasaruno dagiti advisories ken nallukoyda a makikammayet iti local authorities nu bilang masapul iti evacuation.
