Inruar ti Provincial Government of Ilocos Sur ti Executive Order No. 22 Series of 2024 inaig ti pannakasuspenso ti klase iti amin a lebel iti public and private schools ken trabaho kadagiti pampubliko nga opisina iti probinsia kagiddan ti panagannad iti epekto ti Tropical Storm Enteng.
Nabilin amin a departamento a karaman iti probisyon iti critical emergency services ken disaster risk reduction and management kangrunaan iti Provincial Disaster Risk Reduction and Management Office, local disaster risk and reduction management offices, member offices iti Provincial Disaster Risk Reduction Management Council ken amin nga ospital ken health services a pagtalinaeden ti workforce-da tapno masigurado nga agtultuloy iti pannakaipaay iti serbisyo iti publiko.
Para iti private business establishments ken offices, pangngeddengen ti employersda iti pannakasuspenso iti trabaho a kas mayataday iti DOLE Labor Advisory No. 17, Series of 2022.
Nabilin amin a local government units nga imonitor iti sitwasyon kadagiti lugarda, ag-inspect ken bigbigen dagiti napeggad a lugar tapno makatignay ket mabalakadan dagiti umili.
Naallukoy met iti publiko a mangisayangkat ti precautionary measures, obserbaren ti minimum public health standards, suroten iti advisories ken makikammayet iti local authorities nu bilang masapul iti evacuation.
