Mangrugi ti School Year 2025-2026 ket maisuron ti Filipino ken English kadagiti klase manipod Kindergarten agingga Grade 3 kas kinuna ti Department of Education.
Maibasar ti DepEd Order No. 020 series of 2025, maipatpatungpal ti Republic Act No. 12027 a mangleppas iti panagaramat ti Mother Tongue kas kangrunaan a lengguage iti panagisuro iti Grade 1.
Iti bilin, mabalin a maaramat kadagiti regional a sarita kas pangtulong ti panagisuro kangrunaan nu makatulong iti panagawat dagiti ubbing.
Ti Filipino Sign Language met ket mabalin a maaramat kadagiti klase dagiti ubbing nga umel ken adda rangkapna iti panagdenggeg.
Kabayatanna, dagiti pagadalan ken learning centers a mangisaysayangkat ti monolingual wenno maymaysa a sarita iti panagisuro kas kadagiti Indigenous Peoples Education ket mabalin pay laeng nga agaramat ti mother tongue nu adda umdas a mangisursuro ken materyales.
Kinontra met dagiti teacher’s group ti linteg a kas iti Alliance of Concerned Teachers ken Teacher’s Dignity Coalition ta imbes nga ikkaten ti mother tongue ket rumbeng laengen a simpaen ken papigsaen ta naepepektibo a makasursuro dagiti ubbing nga agbasa babaen ti sarita a naidakkelanda.
