VIGAN CITY – Nasuspenso iti klase ti amin a lebel iti pampubliko ken pribado a pagadalan ken iti trabaho ti pampubliko nga opisina iti probinsia nga Ilocos Sur nga epektibo inton bigat August 23, 2022 kas safety measure ken tapno maliklikan iti aniaman nga epekto nga ipaay ti Bagyo Florita.
Maibasar iti Executive Order No. 18 Series of 2022 a pinirmaan ni Governor Jeremias “Jerry” Singson, naideklarar iti suspension gapu iti mapapasaran a napipigsa nga angin ken tudo gapu ti bagyo Florita a mabalin a mangted pangta iti biag ken kadagiti imprastruktura.
Ti addang ket tapno masigurado iti kinatalged iti publiko ket masapul a masalakniban iti biag ken tapno maliklikan ti pannakadadael dagiti sanikua dagiti umili manipod iti posible nga epekto ti bagyo.
Nakiddaw iti agtultuloy a workforce dagiti departmento a karaman iti probisyon iti critical emergency services and disaster risk reduction management kangrunaan ti Provincial Disaster Risk Reduction and Management Office, local disaster risk and reduction management offices, member offices iti Provincial Disaster Risk Reduction Management Office ken amin nga ospital ken health services tapno siguradoen ti serbisyo iti publiko.
Nabilin pay kadagiti amin a Local Government Unit nga ag-evacuate kadagiti masakupanda a nabigbig a hazard-prone areas ken mangiyetnag iti tignay tapno masigurado iti kinalatgedda.
