--Ads--
Maikkatan ti passenger service charges ken airport navigation charges kadagiti airport ti pagilian.
Daytoy ti imbilin ni acting Transportation Secretary Giovanni Lopez tapno makatulong a marisut ti gastos dagiti airline it tengnga ti agtultuloy a panagngato ti presio ti jet fuel.
Segun ken ni Lopez, ipatungpal ti bilin babaen ti Civil Aviation Authority of the Philippines (CAAP) ken sakop daytoy ti amin nga airport a patpatarayen ti ahensia iti intero a pagilian.
Imbilin pay ti opisial ti Civil Aviation Board a pabassiten iti sangapulo ket lima nga aldaw ti evaluation ken implementation period tapno mapadaras ti panagbaba ti plete iti eroplano no nag-stabilize ti presio ti jet fuel.
-- ADVERTISEMENT --
