VIGAN CITY – Dinayaw ni Bombo International Correspondent Kristine Zea Miranda, maysa a nurse idiay Cayman Island no kasano iti kinaalisto nga agtignay ti gobiernoda a mangliklik iti COVID19 pandemic.
Segun ken ni Miranda, sipud pay idi naiwaragawag a global health emergency ti nasao a sakit ket insigida a naipasarra dagiti amin nga establisimento ken awan ti pinastrekda malaksid laeng kadagiti cargo a naglaon kadagiti taraon.
Kabayatanna, pitopulo ket walo ti kumpirmado a kaso iti nasao a pagilian ngem kaaduan kadakuada ket “asymptomatic” sa adda laeng iti lima a nai-admit iti ospital.
Para kadakuada a frontliners, saanda met a mailaklaksid ken saan a makurkurangan ti supply ti personal protective equipment ta nasaganaan amin ti gobiernoda ti nasao a didigra.
Malaksid iti dayta, adda dagiti Pilipino a pinilida ti agawid agsipud ta iti kaawanen ti pagsapulanda ket awan met ti pangalaanda iti pagabangda kadagiti pagtaengan a pagnanaedanda.
