Inikkat ti bileg ti Korte Suprema ti panagbalin a mayor ni Alice Guo idiay Bamban, Tarlac kalpasan a nangiruar ti pangngeddeng ni Judge Liwliwa Hidalgo idi June 27, 2025.
Inanamungan ti Manila Regional Trial Court (RTC) Branch 34 ti quo warranto petition ti office of the solicitor general kontra ken ni Guo ta Chinese national ta agpada a Tsino ti ina ken amana.
Kayatna a sawen ket void wenno awan ti bileg manipod umun-unan a panagbalinna a mayor ni Guo.
Napaneknekan pay ti Korte a ni Alice Guo ken ti Chinese citizen a ni Guo Hua Ping ket maymaysa a tao kas maibasar iti agpada a finger prints.
Pinagkedkedan met ti legal team ni Guo ti nagbalin nga imbestigasyon ti National Bureau of Investigation ken panangakusarda a a Chinese dagiti nagannakna.
Impaganetget iti korte a ti Philippine passport ni Guo ken ti birth certificate na ket saan nga umanay nga ebidensya tapno mapaneknekan ti kina-Pilipinona.
Maibasar iti pangngeddeng, saan a mailibak ti kina-Chinese ni Guo ken dagiti nagannakna a simmangpet iti Pilipinas manipod Fujian, China idi July 12, 1999.
Ti pangngeddeng ti korte ket mangibagbaga a saan laeng a disqualified para iti osisyon kas mayor nu diketdi saan pay a mabalin nga agpaidasig para iti nasao a posisyon.
