Nagballaag ni Kim Yo Jong a kabsat ni North Korean leader Kim Jong Un a posible nga agresulta ti “negative consequences” ti maisaysayangkat a joint military exercises iti US, South Korea ken Japan.
Mangrugi ita nga aldaw ti tinawen a military drills iti tallo a pagilian a nangawaganna a “Freddom Eadge” a gagem a papigsaen ti air, naval, ken cyber defense capabilities iti US, South Korea ken Japan.
Segun ken ni Kim, ti panangipakita ti presensya ti US, Japan, ken South Korea iti madi a lugar iti aglawlaw iti North Korea ket sigurado nga adda madi nga epektona kadakuada.
Malaksid dayta ket mangisayangkat ti South Korea ken US ti Iron Mace tabletop exercises inton sumaruno a lawas, a pagpapatangan ti integration iti conventional ken nuclear capabilities kontra kadagiti pangta iti Pyongyang.
Nagballaag pay ni Pak Jong Chon a maysa a nangato nga opisyal ti North Korean ruling party a nu itultuloy dagiti hostile forces dagiti nasao a military drills ket ipakita iti North Korea ti nalawlawag ken nakarkaru a tignay kontra kadagiti nasao nga addang.
Maipalagip a nabayagen a konkondenaren iti North Korea dagiti nasao a panagsanay a maibilang a rehearsal para iti panagsagana iti giyera bayat nga ipaganetget ti Seoul ken Washington nga iti ar-aramidenda a drill ket maysa laeng a defense capabilities.
