--Ads--
Pinatgan ti International Criminal Court ti kiddaw ti prosekusyon a ma-access dagiti sumagmamano nga alikamen nga adda pakainaiganna iti kaso ni dati a Presidente Rodrigo Duterte.
Nupay kasta, saanda a pinatgan ti kiddaw a ma-access dagiti tulbek a naala kenkuana idi maarestar gapu iti saan nga umdas a pagibasaran ken tapno maaywanan ti privacy ti pamiliana.
Kabayatanna, intuding ti ICC ti panangibasa iti kaso inton Nobiembre 30, 2026 kas panangrugi iti trial iti kaso a crimes against humanity kontra ken ni Duterte.
Nabilin ti prosekusyon ken depensa nga agipasa kadagiti dokumento ken ebidensia sakbay ti naituding a deadline.
-- ADVERTISEMENT --
