Tinagibassit ni Bicol Saro Partylist Rep. Terry Ridon ti addang ni Atty. Israelito Torreon a lapdan ti impeachment proceedings iti Kamara kontra ken ni Vice President Sara Duterte.
Segun ken ni Ridon, awan iti direkta a koneksyon ni Torreon ken ti law firm-na iti patangan iti impeachment isu nga awan iti bilegna ipan ti isyu iti Korte Suprema.
Impaganetget ni Ridon a saan a paset ti defense team ni VP Duterte ti agkiddaw ti temporary restraining order (TRO) iti korte isu a nalabo a maikkan iti atensyon dagiti mahistrado.
Innayonna a mangipila ti petisyon ti grupo kas tax payer ngem saan daytoy a kwalipikado ta saan a ti panaggastos iti pondo ti gobierno ti laplapdan ti kampo ti petitioner.
Gapu dayta ket patien ni Ridon nga awan ti kapasidad ti reklamo tapno malapdan ti impeachment a manipod idi rugrugi ket saan a karaman iti korte ta akem dayta iti Kongreso.
Iti agdama ket nakasalang iti House justice committee ti impeachment case tapno amwen no adda probable cause tapno maipangato iti patangan iti Senado kas Impeachment Court.
