--Ads--
VIGAN CITY – Pinatgan ti Regional Office 1 ti Department of the Interior and Local Government iti kiddaw ti mayor ti Tagudin a saanen a mapaatiddog iti Modified Enhanced Community Quarantine.
Basar iti surat manipod ti opisina ni DILG Regional Officer James Padrilan, maipanen iti salinong ti Modified General Community Quarantine ti Tagudin kas resulta iti panangkitada iti kina risgo iti nasao a virus ti nasao nga ili.
Maipalagip a kiniddaw ni Mayor Roque Verzosa Jr ken Rev. Fr. Cristeto Cortez a maikkaten ti MECQ iti nasao nga ili.
Pakaragsakan ti Mayor iti nagbalin a sungbat ti regional office ti DILG ken kagiddan iti nasao a napintas a damag nagnegatibon ti swab test dagiti sangapulo ket maysa a COVID19 positive iti nasao nga ili.
-- ADVERTISEMENT --
