VIGAN CITY – Suportaran ni Kapisanan ng mga Brodkaster ng Pilipinas ken Bombo Radyo Philippines Vice President Herman Basbano dagiti frontliners nangruna dagiti adda iti media tatta a panawen ti COVID19 ket isaksakripisyoda ti biagda tapno makapagserbi.
Segun ken ni Basbano, tatta a panawen a kasapulan nga ipakita dagiti kameng ti media ti panagtrabahoda a nasayaat ken ti gagarda nga agserbi a pudno tapno talken met la ti publiko no ania dagiti maipadamag kadakuada.
Nagbalakad pay a tapno maliklikan ti panagwaras ti peke a damag ket rumbeng a nalawag ti wagas a panangipadamag ken dagiti laeng credible source ti pagalaan, paneknekan no pudno wenno saan sakbay nga i-share ken rumbeng met ti panagbalin a responsable ti tunggal kameng ti media a mangaramid ti trabahoda.
