VIGAN CITY – Inpasigurado ni Probinsiyano Ako Partylist Cong. Jose Bonito Singson ti pannakaipatakder ti kaunaan a Technical Education and Skills Development Authority (TESDA) Training Center ditoy probinsiya tapno adda ti disso a papanan dagiti kayat na ti agtraining kadagiti nadumaduma a kurso a nga ididiaya ti TESDA.
Segun ken ni Singson, adda ti indonar na a nalawa a bakante a lote idiay Bantay tapno isu ti pangipatakderan ti nasao a training center.
Dayta ket agsipud ta kalikagum na la unay nga adda ti disso a panangisayangkatan ti TESDA kadagiti training activity da ta saanen nga aglalaok pay a lugar iti papanan da.
Inpanamnama pay ti kongresista a saan laeng a ditoy probinsiya iti pakaipatakderan ti nasao a training center agsipud ta manarimaanen iti panangtrabaho da iti pannakaipatakder met ti training center kadagiti sabali pay a paset iti pagilian
