VIGAN CITY – Nairekord iti kaunaan a mortality rate iti ili ti Sto. Domingo nga isu ni IS-C1921.
Pakaladingitan nga impakammo ni Mayor Bryan Dexter Tadena iti ipupusay ti covid-19 patient nga agnaed idiay Barangay Camestizoan, agtawen ti innem a pulo ket dua a nagkakapsot idi May 21 agingga May 27 iti agdama a tawen.
Immunan a napan idiay Northside Doctors’ Hospitak ti pasyente a nakaduktalan iti panagpositibona babaen iti antigen test isu a naiyakar iti Ilocos Sur Provincial Hospital-Isolation Center idi May 27 ket nagtalinaed iti dua nga aldaw.
Idi May 30 a nagpayakar idiay Metro Vigan Cooperative Hospitak ket naamwanen a positibo iti covid-19 ket kalpasan iti tallo nga aldaw naiyakar manen iti MMMH-MC, Batac City nga isun iti nakatayanna idi Hunyo 6.
Innayonn ti mayor a makipagladingit amin a taga-Sto. Domingo iti pamilia ti pasyente.
Kabayatanna, umaboten iti 2,234 iti covid-19 cases iti Ilocos Sur ta nanayunan itattay iti innem a pulo ket uppat a kaaduan ket manipod idiay Santa ta 14 iti naimaldit, sinarno iti Narvacan ta 11, sag-uppat idiay San Vicente ken Santiago, sag-tallo idiay Banayoyo, Caoayan, San Juan, Burgos ken Bantay.
Sag-dua idiay Sto. Domigo, San Ildefonso, Sinait ken siudad iti Vigan idinto a saggaysan manipod San Juan, San Esteban, Sta. Lucia, Magsingal, Lidlidda, Sigay, Cabugao ken siudad iti Candon.
