Pinirmaan ti Pilipinas ken Palau ti maikatlo a tulagan ti kaunaan nga official visit iti pagilian ni Palau President Surangel Whipps Jr.
Karaman dagiti katulagan para ti policy consultation a gagem a mangiyetnag ti mekanismo para ti foreign ministry iti dua a pagilian nga agsinnukat ti kapanunotan iti bilateral ken regional cooperation ken dadduma pay nga international issues.
Naselyuan pay ti tulagan ti kooperasyon para iti fisheries a gagem a maiduron ti sustainable development babaen ti conservation, fishing ventures, joint research activities ken pananglaban iti illegal ken kontrolado a panagkalap.
Naudin a napirmaan ti maysa a Diplomatic Note para iti maysa nga study visit kadagiti opisyal iti Palau ken dagiti stakeholders kadagiti pasilidad ti Pilipinas iti agrikultura ken panagkalap tapno makasursuro ti best practices manipod kadagiti institusyon ken pasilidad nga adda practice na iti nasao a sektor.
Segun ken ni President Ferdinand Marcos Jr., nagtulagda ken ni Whipps nga ituloy dagiti konsultasyon ken pannakikammayet iti dua a pagilian bayat nga umadanin ti maika-tallopulo nga anibersaryo ti diplomatic relations iti Pilipinas ken Palau inton 2027.
