--Ads--
VIGAN CITY – Nagparang ni Kate, Princess of Wales iti publiko nga isu ti kaunaan a gundaway manipod impakaammona idi Marso a na-diagnose ti cancer.
Kinuyog ni Kate ti asawana a ni Prince William ken annakna a da Prince George ken Louis ken Princess Charlotte, kasta pay da King Charles III ken Queen Camilla ken dadduma pay a royal family member iti Trooping the Colour ita a tawen, ti annual military parade a maisaysayangkat ti official birthday ti ari.
Nagaramat ni Kate ti puraw a dress nga adda black trim na nga aramid ni Jenny Packham ken coordinating hat nga aramid ni Philip Treacy.
Naudin a nagpakita iti publiko ni Kate kaduana ti royal family ket idi Disyembre idi immatendar ti Christmas Day service idiay Sandringham.
-- ADVERTISEMENT --
