--Ads--
Ngimmato pay ti kaso ti rabies iti pagilian ta maibasar iti Department of Health, umaboten iti 260 ti bilang dagiti nakaptan sipud Enero agingga September 20, 2025.
Nangatngato daytoy ngem iti 211 a kaso sipud Enero 1 agingga Agosto 2, 2025.
Manipud iti 260 a kaso ti rabies, 95 percent kadagiti dingwen ti saan a nabakunaan wenno saan nga ammo ti vaccination status-da.
Nagpalagip ti DOH a nasken a mapabakunaan iti tinawen dagiti taraken a dingwen tapno adda proteksionda kontra iti rabies virus.
-- ADVERTISEMENT --
Sumagmamano kadagiti palagip ti DOH ket irehistro dagiti aso ken pusa iti barangay, saan a baybay-an nga awan ti bantayda, ken paingeten ti Animal Bite Treatment Center no makagat wenno makaramutan.
