Kinumpirmaran ti Department of Health (DOH) a manipod January 1 agingga August 2 ket nakairekord laeng iti ahensya ti 211 a kaso ti rabies iti pagilian.
Dayta ket nababbaba iti 21% kumparar iti 266 a kaso a nairekord iti isu met la a panawen idi 2024.
Nagpalagip ti DOH iti publiko a saan nga agbalin a kampante ta makapatay ti rabies a maipasa babaen ti kagat, karamot ken katay ti aso, pusa ken dadduma pay nga ayup nga addaan iti daytoy.
Iti rekord ti DOH ket arigna patas dagiti nairekord a kaso manipod iti domestic pets ken taraken a dingwen wenno stray animals.
Kabayatanna, 121 wenno limapulo ket maysa met iti pakabuklan a kaso ket saan a nabigbig nu nabakunaan iti ayup wenno saan.
Nagpanawagan ti DOH iti publiko a siguradoen a nabakunaan dagiti taraken nga ayup ken agbalin a responsible a pet owners.
