Ngumatngato ti kaso ti leptospirosis kalpasan a nakairekord ti Department of Health (DOH) iti 774 a baro a kaso manipud Setiembre 8 agingga 21.
Segun ti DOH a mamindua a nangatngato dagiti baro a kaso no iyarig iti 381 a nairekord a kaso manipud Agosto 25 agingga iti Setiembre 7.
Malaksid dayta, 509 a tattao ti natay, 11 percent a basbassit ngem iti 570 a nairekord a natay bayat ti isu met laeng a panawen idi napan a tawen.
Segun ti DOH nga umabot iti 5,835 ti pakabuklan ti kaso agingga idi Oktubre 5, 2024.
Napaliiw ti DOH a nangatngato ti bilang iti 16 percent ngem iti 5,050 a nairekord a kaso manipud iti isu met laeng a panawen idi 2023.
Ti Central Visayas, Northern Mindanao, SOCCSKSARGEN ti kakaisuna a rehion iti pagilian iti saan a nakairekord ti panagadu ti kaso ti leptospirosis iti napalabas a tallo agingga iti uppat a lawas , wenno agingga iti Oktubre 5.
