Umaboten ti 7,598 ti kaso ti hand, foot and mouth disease iti umuna a dua a bulan iti tawen kas kinuna ti Department of Health.
Nangatngato dayta iti mamintallo a daras nu kumparar iti 2,665 a kaso a nairekord iti isu met la a panawen idi 2023.
Segun ti DOH, 56% kadagiti natamaan ti HFMD ket agtawen iti uppat agpababa.
Limapulo ket dua a porsientoi kadagiti kaso ket nairekord idiay Central Luzon, Metro Manila, MIMAROPA ken Cordillera.
Inlawlawag ni DOH assistant secretary Albert Domingo a masansan ket agwaras iti HFMD tunggal panagrugi iti tawen gapu iti panagsublin ti klase manipod holiday break, masansan met a nababa iti kaso nu dumteng iti kalgaw.
Nabalakadan iti publiko nga ugalien ti agugas iti ima ken sumurot iti husto a hygiene practices tapno maliklikan ti panagwaras iti sakit.
