Kaso ti dengue iti pagilian, agtultuloy a bumab-baban

Agtultuloyen a bumab-baba dagiti kaso ti dengue iti pagilian gapu iti napainget ken napaspas a panagresponde iti kasapulan dagiti pasyente tapno saanen a kumaro ti kaso.

Segun iti Department of Health, umabot iti 14,460 ti nairekord a nakaptan iti dengue manipud Enero 26 agingga Pebrero 8 – nababbaba ngem idi Enero 15 agingga 25 a 15,550 a kaso.

52,008 met ti kaso ti dengue iti pagilian sipud simrek ti tawen agingga idi February 22, 64 percent a nangatngato ngem idi 2024.

Nupay kasta, basbassit ita ti bilang dagiti natay.

Agtultuloy met ti panangallukoy ti DOH iti publiko nga agisuot kadagiti kawes nga atiddug ti manggasna ken pantalon, agaramat iti insect repellants, maturog iti uneg ti moskitero ken lisyan dagiti lugar nga adu ti lamokna.