VIGAN CITY – Bimmaban ti mairerekord a kaso ti COVID19 ti siudad ti Vigan manipod naipatungpal ti Enhanced Community Quarantine ken Modified Enhanced Community Quarantine.
Iti pannaki-uman ti Bombo Radyo Vigan kenni Vigan City Health Officer Dr. Loida Ranches, sangagasut tallo pulo ket innem laengen iti aktibo a kumpirmado a kaso ti siudad kumpara kadagiti naglabas a lawas ken bulan a nangato ado ti nakaptan ti nasao a virus gapo ti COVID19 surge.
Sakbay a naipatungpal ti ECQ uppat a pulo ket lima agingga innem a pulo a porsiento ti maipapatulod a sample kadagiti molecular laboratory ngem itan ket lima agingga sangapulo a porsiento. Dakkel iti nagbaliwan iti kasasaad ti siudad no inaig ti corona virus ta nadlaw ni Dr. Ranches a bimmaba ti bilang dagiti agpapaarayat kadakuada a posible a carrier ti virus.
Kiniddaw ti doktor kadagiti umili a sumurot kadagiti maipapatungpal a health protocol no man pay bimmaba ti kaso ti COVDI19 ta ado pay dagiti saan a nabakunaan.
