VIGAN CITY – Naimaldit ti maikasangapulo ket innem ken maikasangapulo ket pito a kaso ti COVID19 ditoy probinsia a ti pasyente ket maysa a babai, agtawen ti duapulo ket innem nga agnaed iti Pong-ol, Vigan City, housewife, awanan ti travel history ken nakapulapolna ti maikasangapulo ket maysa a pasyente.
Gapu iti dayta ket maidalan iti extreme enhanced community quarantine dagiti lugar a naibilang kas critical zone, modified enhanced community quarantine kadagiti lugar a naibilang kas containment zone ken general community quarantine kadagiti lugar a naibilang kas buffer zone manipud July 27 agingga August 10.
Kabayatanna, ti maysa pay a pasyente ket agtawen ti tallopulo ket lima a babai nga agnaed idiay Cabalanggan, Bantay, awanan ti trabaho ken saan a nakarikna iti aniaman a sintomas.
Adda travel history na idiay National Capital Region idi July 2 agingga July 12, adda exposure na kadagiti high risk area isu a maisayangkat ti contact tracing kadagiti nakapulapolna a naka-quarantine idiay Bantay Quarantine Facility, July 27 idiay Vigan Public Market, Talipapa idiay Brgy Cabalanggan, department stores, grocery ken dagiti drayber dagiti naglugananna a traysikel.
Gapu iti dayta, maidalan iti enhanced community quarantine ti lugar a pagnanaedanna ken kadagiti adda iti asidegda a pagtaengan, modiefied enhanced community quarantine kadagiti lugar a naibilang kas containment zone ken general community quarantine kadagiti lugar a naibilang kas buffer zone.
