VIGAN CITY – Tallo manen a kaso ti Covid19 ti nairekord iti probinsia iti nagpatnag isu nga umaboten iti 312.
Ni ISC310 ket agtawen iti tallopulo ket tallo a lalaki a taga-Brgy. Anonang Menor, Caoayan, maysa a drayber.
Uyek ken panateng ti sintomana, adda travel history-na idiay La Union, Benguet, Baguio City, nai-expose kadagiti high risk area ken broad ti contacts-na.
Ni ISC311 ket agtawen iti uppat a pulo ket lima a lalaki a taga-Poblacion, Banayoyo, maysa a mannalon.
Uyek ken panateng met laeng ti sintomana, adda travel history-na idiay Benguet, nai-expose kadagiti high risk area ken limitado ti contacts-na.
Kabayatanna, ni ISC312 ket agtawen iti duapulo ket walo a lalaki a taga-Dardarat, Tagudin, maysa a porter.
Asymptomatic ti pasyente, adda travel history-na idiay Laoag City, National Capital Region, nai-expose kadagiti high risk area ken extensive ti contacts-na.
Manipud ti February 5 agingga February 19 ket maidalan iti EECQ ti critical zone dagiti nasao a lugar, MECQ ti containment zone ken GCQ ti buffer zone.
