VIGAN CITY – Umaboten iti 177 dagiti kaso ti Covid19 iti probinsia ta adda ti tallo a nainayon iti nagpatnag.
Ni IS -C175 ket maysa nga agtawen iti limapulo ket dua a babai a taga-Poblacion, Banayoyo.
Nagpanateng ti biktima, awanti travel history-na, nai-expose ken ni IS-C163 ken broad dagiti nakapulapolna.
Ni IS-C176 ket agtawen iti duapulo ket dua a babai a taga-San Juan, Sta.Lucia, healthcare worker.
Asymptomatic ti pasyente, awan ti travel history na, nai expose kadagiti high risk profession ken limitado laeng dagiti nakapulapolna.
Kabayatanna, ni IS-C177 ket agtawen iti tallopulo ket uppat a babai a taga-Pudoc Norte, San Vicente, healthcare worker.
Asymptomatic isuna, awan ti travel history na, nai-expose ken ni IS-C167 ken kadagiti high risk profession.
Manipud iti December 29 agingga inton January 12 ket maidalan iti Extreme Enhanced Community Quarantine dagiti lugar a naibilang a critical zone, Modified Enhanced Cmmunity Quarantine dagiti lugar a naibilang a containment zone ken General Community Quarantine dagiti lugar a naibilang a buffer zone.
