VIGAN CITY – Umaboten iti 444 ti Covid19 cases ditoy probinsia ta adda uppat a nainayon iti nagpatnag nga agpapada a taga-Vigan.
Ni ISC441 ket agtawen-iti-innem a pulo a babai a taga-San Julian; naawanan iti ganas a mangan ken naawan ti panagramanna, nagkakapsut, naguyek iti namaga ken nagpanateng. Awan ti travel history-na, nai-expose ken ni ISC426.
Ni ISC442 ket agtawen-iti-duapulo ket dua a lalaki a taga-Tamag, returning resident. Nagpanateng, adda travel history-na iti National Capital Region, nai-expose iti high risk area.
Ni ISC443 ket maysa a babai nga agtawen iti duapulo ket walo a taga-Brgy IV, sales crew. Asymptomatic, awan ti travel history-na, nai-expose ken ni ISC433 idinto a ni ISC443 ket agtawen-iti-duapulo ket walo a babai a taga-Brgy IV, maysa met laeng a sales crew. Asymptomatic, awan travel history-na, nai-expose iti ISC433.
March 22 agingga April 5 ket maidalan iti Extreme Enhanced Community Quarantine dagiti lugar a naibilang a critical zone, Modified Enhanced Community Quarantine ti containment zone ken General Community Quarantine ti Buffer zone.
