VIGAN CITY -Adda laengen dua nga aktibo a kaso ti Covid19 ditoy probinsia partikular iti ili ti Cabugao isu a kayatna a sawen ket maibilangen a Covid19-free ti tallopulo ket tallo a Local Government Units.
Segun ken ni Gov. Ryan Singson, adda iti Alert Level 1 ti probinsia ngem uray pay limmukay dagiti border agsipud iti awan unayen a requirement ken protocol ket adda latta dagiti agbambantay tapno masigurado a masursurot met laeng ti bilin ti national government.
Agtultuloy met ti vaccination program ti probinsia isu a maal-allukoy dagiti saan pay a nakapagpabakuna ta mapandan kadagiti vaccination site.
Impasigurado ti gobernador a naridam dagiti healthcare worker a mangbantay numan bilang makastrek ditoy probinsia ti baro nga Omicron subvariant agsipud ta nakumpiramaranen nga adda ti local transmission-na.
Dagiti met agpa-test ket mabalinen ti Molecular Laboratory idiay Provincial Hospital Gabriela Silang.
