VIGAN CITY – Nanayunan ti tallo kaso ti covid19 iti probinsia isunga umaboten sangagasut tallopulo ket lima.
Ti IS-C133 ket agtawen ti innem a pulo ket siam a babai a taga-Brgy San Migeul, Tagudin, agtagtagibalay, addaan ti sintomas a body malaise ken saan a makakaan, awan ti travel history-na , na-expose kenni IS-C113 ken broad iti nakapulapol na.
Taga Brgay Villa Garcia , Sta cruz met ni IS-C134 a maysa a babai nga agtawen ti duapulo ket siam ken maysa a agtagtagibalay.
Nagpanateng ti pasyente , adda travel history-na idiay Laguna ken Manila, naiexpose iti high risk areas ken broad iti nakapulapol na.
Kabayatanna, maysa nga Authorized Persons Outside Residence wenno APOR nga LTO enforcer ni IS-C135, lalaki nga agatwen ti uppat a pulo ket innem a taga-Brgy San Andres, Candon City.
Asymptomatic ti pasyente, adda travel history na idiay Laoag, Ilocos Norte, na-expose iti High Risk Area ken naka-close contact na ti maysa a confirmed case idiay ilocos Norte ken Extensive ti nakapulapol na.
Gapu iti dayta, maidalan ti Extreme Enhance Community Quarantine dagii sakupen ti Critical Zone; MECQ kadagiti sakupen ti Containment Zone ken GCQ kadagiti lugar a Buffer Zone.
