Vigan City – Naimaldit ti maikasiam a kaso ti COVID19 iti probinsia ti Abra nga isu ket maysa a locally stranded individual a simmangpet iti nasao a lugar ken naglugan iti provincial bus idi July 1.
Agtawen ti sangapulo ket pito ti pasyente a taga-Maoay, Bangued a naggapu idiay Las Piñas City ken nagderetso iti Municipal Isolation Unit ti Banged idiay Arnoldus Hall, Zone 6.
Idi July 2 ket nagpositibo babaen iti pannakaidalanna iti rapid testing isu a naisingasing a matest babaen iti RT PCR testing ket idi July 3, naala iti specimen ket nakumpiramaran tatta nga aldaw a positibo iti nasao a sakit.
Nakarikna ti sintomas ti COVID19 ti pasyente kas ti panagpanateng ken mai-admit tatta nga aldaw iti Abra Provincial Hospital para iti medical check up.
