Pinasingkedan iti Department of Health (DOH) nga agtultuloy ti panagado ti breast cancer kas kadawyan a klase ti kanser iti Pilipinas.
Iti rekord ita a tawen, dimmanon iti 33,079 ti bilang dagiti kaso ti breast cancer iti pagilian, a 17.5% kadagitoy ket baro a kaso.
Tapno mapapigsa ti kampania iti pananglapped iti breast cancer, nangirusat ti DOH ti Breast Cancer Early Detection Services idiay Western Visayas Medical Center (WVMC) Iloilo City.
Segun ken ni Health Secretary Ted Herbosa, napateg a maamuan dagiti babbai ti kinapateg ti regular breast examination, ta no nasapsapa a maduktalan ket dakdakkel ti tsansana nga agbiag.
Bigbigen ti DOH ti tignay ti WVMC nga addaan iti bukodna a pasilidad a mangipapaay kadagiti serbisio ti Diagnostics ken Therapeutic manipud kadagiti nadumaduma a healthcare workers, agraman dagiti Gyne specialists, Pediatric oncologists, ken Hematologists.
