--Ads--
Pinasingkedan ti Department of Justice (DOJ) a saan pay a naipaulog ti resolusion iti kaso nga obstruction of justice kontra ken ni Senador Robin Padilla mainaig iti mapapati a panaglibas ni Senador Ronald “Bato” dela Rosa.
Inlawlawag ti DOJ a madama pay laeng ti preliminary investigation ti kaso, maikontra iti immun-una a sinarita ti National Bureau of Investigation (NBI) a kumpleton ti imbestigasion.
Naipila manen ti PNP-CIDG ti reklamo kontra kadagiti mapapati a timmulong ken ni dela Rosa a naglibas.
Nagtaud ti kaso iti alegasion a timmulong ni Padilla ken dadduma pay ken ni dela Rosa kalpasan a nangipaulog ti International Criminal Court ti arrest warrant.
-- ADVERTISEMENT --
