Imbasuran ti Office of the Ombudsman ti kaso a naipila kontra ken ni Departmenty of Public Works and Highways (DPWH) Secretary Vince Dizon maipanggep ti konstruksyon dagiti pasilidad idi 2019 Southeast Asian (SEA Games) gapu iti pagkurangan ti ebidensia.
Segun ken ni Assistant Ombudsman Mico Clavano, nakapauneg ti joint resolution a nairuar idi December 2021 ti panangibasura iti kaso kalpasan a napaneknekan a kurang ti ebidensia kontra ken ni Dizon.
Rimmuar iti sarita kasaruno ti pakaammo ni National Bureau of Investigation (NBI) Director Melvin Matibag nga imimbestigaran ti ahensia iti mapapati a bidding ken funding anomalies kadagiti proyekto iti 2019 SEA Games kangrunaan idiay New Clark City Sports Complex, kas maibasar kadagiti baro nga impormasyon a limtaw.
No pay kasta ket kinuna ni Palace Press Secretary Claire Castro nga idi pay laeng ket naimbestigaranen ni Dizon ken acquitted.
Maipalagip a ni Dizon ti presidente ken chief executive officer (CEO) iti Bases Conversion and Development Authority (BCDA), a nangidaulo ti konstruksyon idi ti nasao nga sports complex.
Kabayatanna, impaganetget ti Department of Justice (DOJ) a dayawenda ti bileg ken operational independence iti NBI iti panangisayangkat iti nasao nga imbestigasyon.
