VIGAN CITY – Ad-adalen iti Energy Department iti panangiyuli iti darom maikontra kadagiti kompanya nga adda iti likodan iti mapaspasaran a rotational bronwout iti dadduma a paset ti Pilipinas
Ti pannaki-uman ti Bombo Radyo Vigan kenni Dir. Mario Marasigan ti Department of Energy – Electric Power Industry Bureau, kinuna na nga amwen da no apay a saan a maisubli dagiti planta iti kapasidad ti koryente a maited da kadagiti consumers.
Kinuna, awan iti pakaynaigan na iti napasamak a napigsa a gingined diay Central Luzon iti mapadpadasan a rotational brownout dagiti sumagmamano a probinsya ditoy pagilyan.
Malaksid iti dayta, ad-adalen payen ti nasao nga ahensya dagiti agdama a rules and regulations iti panangipatakder ti planta ditoy pagilian ta posible a dagitoy iti rason nu apay a madelay wennu mabayagan dagiti nasao a proyekto a makatulong kuma tapnu makissayan iti parikot iti naingpis a reserba iti kuryente.
