Nakairekord ti Department of Health (DOH) ti 50,727 iti kaso ti dengue iti intero a pagilian manipod Enero agingga Mayo iti agdama a tawen.
Segun ti DOH, nababbaba dayta ngem iti 56% wenno nasurok kagudua no ikumparar iti isu met la a panawen idi 2025 nga umabot iti 114,308 ti kaso iti dengue iti pagilian.
Pinasingkedan ti DOH nga epektibo ti community clean-up drive ken ti panangdalus iti kada balay iti panangparmek iti pagit-itologan dagiti lamok.
Mainaig dayta, binalakadan ti DOH ti publiko nga agsuot ti atiddog a pantalon, long sleeves, medyas, sapatos, agaramat iti mosquitero bayat a maturog ken mosquito repellant.
No kas bilang makarikna ti sintomas ti dengue kas ti gurigor, rashes, maulaw, panagbakwar ken panagsakit ti bagbagi, tiyan ken dagiti mata ket insigida nga agpakonsulta ti doktor.
