VIGAN CITY – Nanayunan pay ti walo a kaso iti covid-19 iti Ilocos Sur isu nga umaboten iti uppat a gasut ket tallo (403).
Agpapada nga agnaed iti ili ti Narvacan ti pito a pasyente ket ti innem kadakuada iti taga- Brgy. Orence ken nakapulapolda ni IS-C392.
Ni IS-C396 ket lalaki, agtawen ti sangapulo ket uppat, estudyante, asymptomatic, awan iti travel history-na ken broad iti nakapulapolna.
Ni IS-C397 ket lalaki, agtawen ti sangapulo ket maysa, estudyante, naguyek, awan ti travel historyna ken broad iti contacts-na.
Ni IS-C398 ket babai nga agtawen ti uppat a pulo ket pito, housewife, naguyek, awan iti travel historyna ken extensive iti nakapulapolna.
Ni IS-C399 ket lalaki nga agtawen ti duapulo ket lima, asymptomatic, awan ti travel history-na ken extensive iti nakapulapolna.
Asymptomatic pay ni IS-C400, lalaki nga agtawen ti sangapulo ket siam, awan ti travel historyna ngem extensive iti nakapulapolna.
Lalaki nga agtawen ti duapulo ket maysa ni IS-C401, naguyek, awan ti travel history-na ken extensive iti nakapulapolna.
Returning resident a driver ni IS-C402, agtawen ti duapulo ket innem, lalaki, agnaed idiay Brgy. Lungog, Narvacan asymptomatic, adda travel history-na idiay National Capital Region, high risk area ken ni IS-C394 iti nakapulapolna ken extensive iti contacts-na.
Kabayatanna, ni IS-C403 ket maysa a lalaki nga APOR nga agtagilako ti nateng ken ikan, agtawen ti duapulo ket maysa a taga-Brgy. Uso, Suyo.
Asymptomatic ti pasyente, adda travel history-na idiay Dagupan City ken Benguet Province, high risk iti exposurena ken extensive iti contacts-na.
Manipod March 14 agingga 28 ket maidalan iti EECQ iti maibilang a critical zone, MECQ iti containment zone ken GCQ iti buffer zone.
