Vigan City – Nakaimaldit iti dua a baro a kaso iti covid-19 ditoy probinsia itatta nga aldaw. Ti maika-siam a pasyente iti covid-19 ket agtawen ti tallo pulo ket uppat a lalaki nga agnaed idiay Puro, Magsingal a nagturong idiay National Capital Region idi June 8 nga adda dua a kaduana ket nakaawidda idi July 2 ken naipanda iti LGU Quarantine facility idinto a ti maysa a kaduada na ket nadischarge pakairamanan ti ubing nga agtawen ti innem. ket nagawid iti nasao a barangay ta agtawen laeng iti innem.
Idi July 13 ket naisayangkat iti Rapid Antibody Test ket nagpositibo iti IgM isu a naidalan iti swab test ti pasyente ket nagpositibo iti SARS-CoV-2. Nakapulapol iti nasao a pasiente dagiti LSI ken ROFs a nagtalinaed met laeng iti nasao a pasilidad manipod July 2 agingga iti agdama pakairamanan dagiti health workers.
Gapu ta saan a dimmalan iti quarantine dagiti kakadua ni IS-C9 naideklara ti Extreme Enhanced Community Quarantine ti pagtaengan da ken aglalaw da ken dagiti nabatbati a paset ti Brgy. Puro, Magsingal ket maidalan ti General Community Quarantine manipod July 22 agingga July 30.
Mangisayangkat a dagus ti Provincial ken Municipal Epidemiology Surveillance Team iti Extensive contact tracing kadagiti posible a nakapulapol ti pasiente.
Kabayatanna, ti maikasangapulo a pasyente ket maysa a babai nga agtawen ti duapulo ket dua nga agnaed idiay Calongbuyan, Candon City a nagtrabaho kas maysa nga sales person iti maysa a merchandise store idiay Rodriguez, Rizal.
Nagawid kaduana iti partner-na idi July 19, ket nagtalianedda iti uneg iti pagtaenganda sakbay a nagreport da ti City Health Office.
Idi nagpositibo da iti antibodies, nai-referda idiay ISDH Magsingal nga isu iti nakaidalananda iti RT-CPR test ken nakaduktalan nga isuda ket positibo pay iti SARS.
Gapu iti dayta, naidalan iti Extreme Community Quarantine ti Barangay Calongbuyan manipud tatta agingana inton August 3.
Iti agdama, adda iti tallo nga aktibo a kaso iti nasao a siudad ken saanda pay laeng nga agawat iti Locally Strandend Individual inton bigat agingana inton August 5.
Kiddawen ti Gobernador kadagiti nakapulapol dagiti duwa a pasyente a mapanda nga insigida iti kaasitgan nga health unit.
Nupay kasta, mangiyetnag ti Candon City ken Magsingal ti Executive Order a mangipatungpal ti localized community quarantine ken mabilin amin nga agindeg a sumurot kadagiti pagannurutan.
Malaksid iti dayta, ipasigurado na kadagiti amin nga agindeng ditoy probinsiya a ti Provincial Government ken dagiti Healthcare expert ket agtultuloy nga agtignay tapno maparmek ti virus.
Awan paylaeng ti local transmission a naimaldit ditoy porobinsya ngem manamnama dagiti nainginget a pammilin kadagiti LSI, ROF, ken APOR agsipud ta dagiti sangapulo a kaso ket naimaldit iti nasao a grupo.
