VIGAN CITY – Kitkitaen ti Narvacan municipal police station nu adda pakainaigan na iti pammaltog idi June 16 a nakatayan ni Rodolfo Cabaña Bitle Sr., nga agtawen iti innem a pulo ket uppat, awanan iti pagsapulan, tubo idiay Banglayan, Narvacan ngem aggigiyan idiay Santa iti nakairamanan na a kaso iti pannakapapatay ni Kagawad Orlando Javier ti Parparia, Narvacan idi June 14, 2014.
Segun ken ni Police Major Rogelio Miedes, hepe ti Narvacan PNP, nakasoan idi ti murder ni Bitle ngem nawaswas isu a nakaruwar babaen iti pammasingked nga affidavit of dessistance nga iggem dagiti otoridad.
Mainaig dayta, inkari ni Miedes nga aramiden da amin a kabaelan da tapnu maduktalan iti motibo wennu rason iti pannakapapatay ti biktima idi June 16 tapnu maipaayan iti hustisya.
Kabayatanna, segun ken ni Police Col. Adolfo Rafanan, provincial director ti Ilocos Sur Police Provincial Office, manarimaan iti intelligence gathering dagiti otoridad ken ti biktima iti pammaltog idiay Narvacan idi June 16, ket nu anyan to ti resulta iti imbestigasyon ket posible a mausar danto para iti pagdur-asan iti kaso iti nasao nga insidente.
