VIGAN CITY – Nawaswasen dagiti kaso nga Acts of Lasciviousness ken Rape a naipila kontra kada PSStgt. Randy Ramos kenni Marawi Torda manipod ti San Juan Municipal Police Station inaig iti reklamo dagiti dua a balasang manipod Brgy. Daclapan, Cabugao.
Maibasar ti dokumento a naipaima ti Bombo Radyo Vigan awan iti naipresentar a naananay nga ebisensya ti prosecution kontra kadagiti dua a pulis a suspect tallo a bilang ti Grave Misconduct ( Rape by Sexual Intercourse ken Acts of Lasciviousness iti naipila kontra kenni Ramos ken Grave Misconduct ( Acts of Lasciviousness) kontra met kenni Torda.
Kabayatanna maimimbestigaran palang ni Ramos gapu iti panangaklon a nakinaig iti saan na nga asawa.
Maipalagip a suspect dagiti dua a pulis iti napasamak a pannakarames ken pannakamolestiya dagiti dua a babbalasang idiay Brgy. Daclapan, Cabugao.
