Maysa a karton ti mapapati a napagango a bulong ti marijuana ti nasarakan iti Barangay Banaoang, Bantay kangrunaan iti laud a paset ti barangay road nga asideg iti Banaoang River.
Nasarakan daytoy ni Reynaldo Burbano Bajog Sr., agtawen iti innem a pulo ket lima, taga-Barangay Banaoang, Bantay.
Agruruot ni Bajog Sr iti pagpakanna ti tarakenna idin ta nadiskubrena ti karton a nabungon iti yellow masking tape.
Linukatanna ti karton ket naklaat iti nakitana a babassit a ziplock sachet a naglaon iti mapapati a napagango a bulong ti marijuana.
Dagus a pinakaamoanna dagiti barangay official a nakaduty iti barangay hall.
Nupay kasta, naipaiman kadagiti maseknan ti sangapulo a karton a naglaon iti sangapulo ket maysa a plastic transparent ziplock sachet a naglaon ti napagango a bulong ti marijuana nga agdagsen iti 129.7 grams ken aggatad iti P15,564.
