Pagam-amkan ti Department of Agriculture nga umabot iti nasurok P500 kada kilo ti presio ti karne ti baboy no agtultuloy ti riribuk iti Amerika, Israel ken Iran.
Segun ken ni Agriculture Assistant Secretary U-Nichols Manalo, mabalin nga umabot iti agingga 59 percent ti retail prices ti local pork ham iti P558.10 per kilo ken pork belly iti P588.10 per kilo no ikumpara iti normal a presiona sakbay ti riribuk a P350 ken P370 per kilo.
No mapasamak daytoy, umabot iti P345.19 kada kilo ti farmgate prices ti baboy ken P199.64 kada kilo ti manok, manipud iti agdama a P185 ken P101.5 kada kilo.
Inyunay-unay ni Manalo nga uray agpaot iti 60 nga aldaw ti riribuk iti Middle East ken ti gagangay a presio ti langis ket umabot iti $100 kada bariles, dakkel latta ti agbalin nga epektona iti presio ti feedstocks.
