--Ads--
VIGAN CITY – Rugyanen ti baro nga administrasyon ni Mayor Jose “Bonito” Singson iti karida kadagiti negosyante ditoy siudad ti Vigan.
Segun kenni Mayor Singson, adalenda dagiti agdama a linteg inaig iti maipapatungpal a tax wenno buwis ken no ania iti pakaipananna ta adda iti masursurot a guidelines ti gobierno ken nakailanad a saan a rumbeng nga aglabbes iti singiren kadagiti tattao.
No madagsenan dagiti negosyante ket baliwanda iti kabiitan a panawen ta nakapagsaritadan kenni Vice Mayor Randy Singson.
Maipalagip a maysa kadagiti kampanya ti gropo ni Mayor Bonito idi napalabas nga eleksyon iti panangipababa iti masingsingir a buwis kadagiti negosyante ti siudad a Vigan.
-- ADVERTISEMENT --
