Pinabileg manen ti Department of Education ti kari a maipasigurado ti karbengan ken pagsayaatanda dagiti mangisursuro nga agserbi a poll worker iti umadani a May 12 National and Local Elections.
Inaramid dayta ni Education Secretary Sonny Angara kalpasan ti Memorandum of Agreement Signing Event, kadua ti Comelec, Armed Forces of the Philippines, Philippine National Police ken dadduma pay a partner.
Segun iti ahensia, maideploy ti Election Task Force ti DepEd iti intero a pagilian tapno mangted iti real-time monitoring, assistance, ken incident response iti eleksion.
Agbalin a fully operational ti DepEd Election Command Center mangrugi inton May 11 agingga 13.
Kada election task force center ket makikammayet iti Comelec, Public Attorney’s Office ken law enforcement bodies tapno maipasigurado ti karbengan ken pagsyaatan dagiti mangisursuro nga agserserbi iti eleksion.
