Maysa ti natay iti karambola dagiti uppat a lugan idiay Barangay Calaoa-an, Candon City, Ilocos Sur.
Ti traysikel ket minaneho ni Regie Galigaro Gramaje, agtawen iti uppat a pulo ket tallo, taga-San Nicolas, Candon City.
Ti Toyota Corolla a kotse ket minaneho ni Eric Tadeo Lardizabal, agtawen iti tallopulo ket lima, security guard, taga-Barangay Magsaysay, Tagudin.
Ti Isuzu Altera SUV ket minaneho ni Leonardo Tolentino Maloom, agtawen iti pitopulo, taga-Novaliches, Quezon City.
Kabayatanna, ti pay maysa nga SUV a Ford Everest ket minaneho ni Catalino Joson Olimon Jr., agtawen iti limapulo ket pito, taga-Lupao, Nueva Ecija.
Maibasar iti CCTV footage, agpapa-amianan ti traysikel idinto a natukbob daytoy ti adda iti likudanna a kotse.
Gapu dayta, natnag ti drayber ti traysikel iti kalsada ket naipasirok iti Altera SUV nga agpapa-amianan met laeng.
Gapu iti kapigsa ti impact ti panagdinnungpar ti traysikel ken kotse, naikkat ti sidecar manipud iti motorsiklo a naipan iti bangir a linya ti kalsada a nadungpar met iti Ford Everest nga agpapa-abagatan.
Nagsagaba iti nakaro a dunor iti ulo ken nadumaduma a paset ti ti drayber ti traysikel a naitaray iti ospital ngem saanen a nakalasat.
