--Ads--
Natay dagiti 14 nga indibidual ken 38 ti nadunor kalpasan a mairaman dagiti duapulo ket tallo a lugan a pakairamanan dagiti lima a trak iti karambola idiay Fujairah, United Arab Emirates (UAE).
Segun iti UAE Interior Ministry, naawanan iti kontrol ti maysa a trak ken naidungpar kadagiti dadduma a lugan a nagresulta iti pannakauramda.
Dagus a naipaagas iti ospital dagiti nadunor, idinto a naidalan iti DNA testing dagiti natay tapno maammuan ti pakabigbiganda.
Kaaduan kadagiti natay ket Emirati national idinto a dagiti dadduma ket Indian.
-- ADVERTISEMENT --
Agtultuloy ti imbestigasion dagiti awtoridad iti napasamak.
