VIGAN CITY – Nakurang dua bulan a sinipsipotan dagiti pannakabagi ti linteg ti nakemmeg a suspek iti naiwayat a buy bust operation idi May 26 idiay Poblacion, Sto. Domingo.
Iti panaki-uman ti Bombo Radyo Vigan kenni PCapt. Christopher Ramat, hepe ti Sto Domingo Police Station, nakunana a pusher ken user ti suspek a ni John Vincent Soria, agtawen ti dua pulo ket uppat nga agnaed iti Brgy. Ayusan Norte, Vigan City a nakemmeg idi mapan koma agideliver iti droga babaen iti panagtitinnulong dagiti pannakabagi ti linteg.
Segun kenni Ramat, dimmalan ni Soria iti surveillance ken monitoring gapu kadagiti iligal nga aktibidadna ken ket naduktalan nga adu iti koneksyonna iti nasao nga iligal nga aramid iti sabali a munisipalidad.
Maipalagip a naala ken ti suspek iti maysa a heat sealed plastic sachet a naglaon iti mapapati a shabu, tallo a heat sealed transparent plastic sachet iti mapapati a shabu nga agdagsen iti 0.5 a gramo ken aggatad iti innem a ribo a pisos ken ti sangaribo a buy bust money.
