Napagsaritan dagiti nagmaneho iti kotse ken motorsiklo a karaman iti aksidente iti bypass road idiay Barangay Ayudante, Candon City idi April 15, 2025.
Dagiti karaman ket ti nagmaneho iti Toyota Vios a ni Princess Aimee Severo Buenavista, agtawen iti tallopulo ket pito, medical secretary, holder iti Driver’s License nga agnaed idiay Barangay San Agustin, Bauang, La Union idinto a ti nagmaneho iti Yamaha NMAX 155 motorcycle ket ni Kierstron Tala Abondo, agtawen iti duapulo ket dua, construction worker, holder iti Driver’s License; kaduana ti backride na a ni Marifel Valdez Estacio, agtawen iti duapulo ket maysa, nga agpada a nakaaramat ti helmet ken agnaed idiay Barangay Conconig East, Sta. Lucia.
Iti pannaki-uman ti Bombo Radyo Vigan ken ni PLt. Jovelyn Antalan manipod Candon City Police Station, bayat ti panagpaammianan dagiti dua a lugan ket kellaat a nag-counterflow ti nakamotorsiklo iti southbound lane ket idi nadanonna iti sumaruno nga intersection ken sumrek koma iti northbound lane ket isu metten iti pannakatukbobna iti akin-kannigid a paset iti kotse.
Agpada a nadunor dagiti nagkalugan iti motorsiklo isu a naipaagasda iti Ilocos Sur Medical Center idinto a saan a naan-ano ti driver ti kotse.
Iti agdama ket nasayaaten ti kasasaad dagiti dua a nagkalugan iti motorsiklo.
VIDEO – PLT. JOVELYN ANTALAN
