--Ads--
VIGAN CITY – Addan iti inisyal a nagpatangan dagiti nairaman iti aksidente idi alas nuwebe singkuwenta y singko iti rabii idi November 1 idiay Barangay Sulvec, Narvacan.
Maibasar iti inisyal nga imbestigasyon, agpa-abagatan ti Honday City a minaneho ni Antonio Rigunay nga agtawen ti uppat a pulo ket siyam, naasawaan nga agnaed idiay Poblacion Norte, Sta. Maria.
Idi nakadanun iti agkurba a paset iti kalsada iti nasao a barangay ni Rigunay, dinungpar iti agpa-amyanan a White Kia Pride a minaneho ni Veronico Somera nga agtawen ti innem a pulo ket siyam nga agnaed idiay Pantay Laud, Vigan City.
Agsipud iti dayta, nadunor iti naduma-duma a paset iti bagi da dagiti naglugan ti dua a kotse ket naitaray da iti ospital para iti pannakataming da.
