VIGAN CITY – Nagyaman ni ABC President Barangay Captain Edmond Supnet iti Cabaroan Daya, Vigan City kadagiti kalugaranna kalpasan a maysa ti lugarda kadagiti napili ti Department of Interior and Local Government iti national passer iti Seal of Good Local Governance for Barangay.
Malaksid kadagiti kalugaranna ket pagyamananna pay dagiti miembro ti konseho ken ti kontribusyon ti city government.
Iti pannaki-uman ti Bombo Radyo Vigan ken ni Supnet, patienna a nagun-od ti barangayda ti pammadayaw gapu ti nasyaat a panangipatungpalda kadagiti executive order nangruna idi panawen ti pandemya ken sinurotda amin dagiti inyetnag ti Inter Agency Task Force a protocol.
Saan a ninamnama ni Supnet a maalada ti pammadayaw agsipud ta idi kallabes ket ti Barangay II ti dati a mapadpadayawan para ti SGLGB.
Nupay kasta, agserbi nga inspirasyon kadakuada a barangay officials ti nasao a pammadayaw tapno ad-adda pay a mapasayaat ti barangayda.
